الثلاثاء , يوليو 7 2020
الرئيسية / مصر / التعليم فى مصر / الشرح التفصيلي لمشروع البحث الإلكتروني لطلاب 3 ابتدائى حتى 3 اعدادى

الشرح التفصيلي لمشروع البحث الإلكتروني لطلاب 3 ابتدائى حتى 3 اعدادى

زوارنا الاحباء تنقل لكم شبكة مصباح الاخبارية كل ما يحدث حول العالم لتبقى على اطلاع دائم بكل جديد.
والان مع المقال :

 

أولا : تنزيل البرنامج علي الموبايل :
(1) .. من خلال الموبايل نذهب الي متجر جوجل ويتم كتابة ( edmodo )
وتحميل البرنامج (( لونه برتقالي )) علي الموبايل مثل ( الفيس او الواتس )
(2) .. سنختار كلمة ( أنشئ حساب مجاني ) وبعدها كلمة ( طالب )
(3) .. سنكتب في ( رمز الفصل الدراسي ) كود الطالب في أي مادة وهنجيبه من المدرسة حتي يتم ربط الطالب بالمدرسة المقيد فيها .
(4) .. اسم المستخدم هنكتب فيه 3 حروف انجليزي وليكن أول 3 حروف من اسم الطالب + الكود اللي جبناه من النت .. ولمعرفة الكود بالرقم القومي اللي علي شهادة الميلاد وممكن نجيبه بكل سهولة من الموقع دا .. مع مراعاة كتابة الأرقام بالانجليزي .
https://studea.emis.gov.eg
(5) .. كلمة المرور ودي هنكتب فيها كلمة سر نحتفظ بيها لمرات الدخول التالية زي الباسورد كدا بتاع الفيس .. بس لازم تكون كلمة السر عبارة عن 6 حروف مع ارقام .. ياريت تحتفظ بيها كويس وتختار حاجة سهلة .
(6) .. البريد الالكتروني ( Gmail ) .. وهنا الموقع بيخيرك لو عاوز تكتبه اكتبه ولو مش عاوز مش هيقصر معانا في عملية التسجيل .. بس انا بقولك إكتبه وإتأكد انه شغال لان لو نسيت الباسورد هنحتاج البريد الالكتروني في استرداده
(7) .. إنشاء الحساب .. بعدها هيطلب منك تليفون ولي الامر كعنصر للامان هنحتاجه لو تعرض الحساب اللي عملناه لمشكلة .
وبكدا مبروك إنت سجلت للطالب علي الموقع بطريقة صحيحة وكمان ربطنا الطالب بالمدرسة من خلال الكود اللي جبناه من المدرسة .

ثانيا .. كتابة البحث وتقديمه علي الموقع :
(1) .. هنحتاج المدرسة تاني اننا نجيب اكود المواد كلها عشان نسجلها علي الموقع هنختار كلمة الفصل الدراسي .. وبعدها الالتحاق بفصل دراسي .. ونبدا نحط كود مادة مادة من اللي معانا ونتأكد بعد ماخلصنا ان تم اضافة مادة ( العربي ) بنجاح وهكذا .. لما نخلص المواد الأساسية للطالب .
(2) .. ودي الخطوة المهمة جدا جدا جدا واللي عملنا علشانها كل الخطوات اللي فوق دي وهي خطوة البحث .. هنلاقي عندنا كلمة (( الواجب )) في القائمة الرئيسية علي يسار الصفحة .. ودا معناه البحث اللي هيطلب مننا نقدمه في المكان دا .. كل طالب في فرقة دراسية هينزل له 4 موضوعات هيختار منها موضوع واحد بس يكتب في البحث .. طبعا هنستعين بالعناصر اللي نزلت لكل صف دراسي ونكتب كل عنصر علي حده زي ماهو مطلوب مننا والكلام دا هيكون في ملف ورد هنكتب فيه بالترتيب اللي هنذكره في طريقة كتابة البحث وبعد كدا هنقوم بتحميل ورفع البحث في خانة الواجب وطبعا نتاكد ان تم الاستلام بنجاح .. وان شاء الله هنجهز ليكم كل صف دراسي مطلوب منه ايه وايه هي الموضوعات اللي هيختار الطالب منها .

آخر حاجة هنتكلم فيها وهي طريقة كتابة المشروع بالطريقة الصحيحة :
(1) .. هنكتب عنوان الموضوع اللي اخترناه ونكتب تحته اسم الطالب والكود اللي جبناه من الموقع بشهادة الميلاد .
(2) .. مقدمة عن الموضوع اللي اخترناه لا يقل عن 100 كلمة .
(3) .. هنكتب عناصر الموضوع حسب ما الوزارة حددتها وبالترتيب ونتكلم عن عنصر عنصر بالشرح الوافي تحته في سياق الموضوع وبعد مانخلص ندخل علي العنصر اللي بعده
(4) .. هنكتب النتائج اللي وصلنا لها في الموضوع اللي اخترناه .
(5) .. المصادر اللي جبنا منها الموضوع زي المواقع وكتاب المدرسة وهكذا

الجمهورية اون لاين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *